Scholar Lawriniang Nongthliew WKH
Ka long kaei kaei kaba da sngewdanda bad sngewsammut shisha ban ioh sngew ba ki khun riewspah kiba sah quarentine ki kwah ban ia kdup ksew ha ki jaka quarentine centre ba ki sah. Kane ka khubor ka dei ka khubor ba shutia tam ha kane ka lockdown mynta, gam tip kaei ka daw ba kine ki paralok ki kwah kdup ksew. Hato kim tip tharai ia ka jingmut Quarentine ka mut aiu? Haba ki dei ki ba la nang la stad ki leh pat kum ki ba biej bym tip ia u A u B. Kine ki jingleh jong ki, ki long tang ki kam biej suda bad kiba pynbitar ruh ia ka sorkar.
Ym tangba pynbitar ia ka sorkar hynrei ka pynbitar ruh wat ia ki paidbah ba bun balang kiba tip ia kane. Bad kaba kham sngewsih pat ka long don tang u wei ar ngut eh na ki khun ba don ba em ki khun paki dulan ki briew kiba kwah ban ia kdup ksew ha quarentine centre, hynrei ka pynlong pat ia ki ba bun ba lang kiba ju bud ryntieh ia ki aiń ki kyndon ha ka por ba ba sah quarentine ban hap kit pop lang na ka bynta ka ka kam biej jong ki. Dei hangne ba ong ka ktien, Nangtrei ka sniang nangioh nam u ksew bad nang ialympat u Hati nang kyllon pat ki phlang bad ki dieng ki siej ki bym tip eiei ia ka jingiakajia jong ki.
Kynmaw ba ka quarentine centre kam dei ka jaka kaba phin ia kdup ksew ne ia kdup samla ne ka jaka ia lehkai game, ba phin ia im pahuh pahai, bad kane ka por kam dei hi ruh ka por ba phin leh khun riewspah, hynrei ka dei ka por ban ia trei lang bad duk bad riewspah ban jop ia ka khlam ka ba shyrkhei. Wat long kiba stad ha ka jingdum, hynrei stad ha ka jingshai. Wat shim kabu ia kaei kaba ka sorkar ka la leh, hynrei to niewkor lem ia ki.
Dei ban iathuh bad ka kyrteng khnang ban iatip bad iashai baroh mano kita ba phah wanrah ksew
Ka jingsarong ka iaid hakhmat ka jingjot. Dobok ki dang pan da ki ksew, ba kin da pan jingbam da ki biriani, dohkhleh, dohjem ne doh tyrkhong, te la wai ka Sorkar.