Mumbai: Ka kiew bha ka jingdon kiba ioh pang coronavirus ha Maharashtra, ha ki 24 kynta ba ladep, ha kaba ki don 2,347 ngut kiba dang shu ioh thymmai bad mynta ki la poi sha ka 33053 ngut kiba ioh pang coronavirus ha katei ka Jylla bad sa kiba iap, ki la poi sha ka 1,198 ngut.
Ha Tamil Nadu, kiba ioh coronavirus, ki la poi sha ka 11,000ngut bad sa 689 ngut kiba dang shu ioh pang thymmai. Na kitei ki don 480 ngut kiba na ka nongbah Chennai.
Ha Dharavi jong ka Mumbai, ki don sa 44ngut kiba ioh pang corona virus bad kiba iap na katei ka jaka, ki long 56 ngut.
Ka sorkar India, ha ka jing pynjari pakhang shnong mynta ka sngi, ka la pynbna ba kito kiba la palat 65 snem, lem bad ki khynnah kiba hapoh 10 snem, ki dei satia ban mih shabar, haduh ka 31tarik Jymmang 2020, lait noh sa tang lada jia ba ki don ki kam kiba donkam eh.
Phi don ban ong eiei?