Nang kiew stet ka khlam corona ha Assam, sa 777 ngut ha Guwahati ha ka shisngi

Guwahati: Ka khlam corona virus ha Assam, ka la nang kiew stet haduh katta katta, ha kaba hynnin ka sngi, ki don 1,202 ngut kiba ioh ia katei ka jingpang bad baroh kiba ioh ia ka khlam covid ha ka Jylla, ki la poi sha ka 11,001.

U Himanta Biswa Sarma, myntri ka koit ka khiah ka Assam, ha ka tweet jongu, hynnin ka miet, u iathuh ba ki don 1,202 ngut kiba ioh pang khlam covid bad na kitei ki don 777 ngut kiba tang na ka sor bah Guwahati.

Haduh mynta, kiba dang shah sumar ia katei ka jingpang, ki long 4,657 ngut bad ki don sa 6,327 ngut kiba la mih na ki jaka sumar pang bapher. Kiba iap, ki don mynta 14 ngut ha ka Jylla.