Nang kiew ka khlam corona ha Guwahati, sa 380 ngut kiba ioh hynnin ka sngi

Ki don sa 572 ngut kiba ioh pang COVID19, hynnin ka sngi bad na kitei ki don 380ngut kiba ioh pang tang ha Guwahati. Mynta kiba ioh pang ha ka Jylla Assam, ki la poi sha ka 8,407 ngut.

U Himanta Biswa Sarma, myntri ka koit ka khiah ka sorkar Assam, u iathuh ba ki nongshong shnong, ki dei ban kham husiar bha nangne shakhmat.

Kito kiba don ia katei ka jingpang khlam mynta ha Assam, ki long baroh 2,745 ngut bad ki don 5,647 ngut kiba la mih na ki jaka sumar. Ha ka sngi hat majai, ula don sa uwei uba iap bad baroh kiba iap, ki la poi sha ka 12 ngut ha Assam.