Kiba ioh pang coronavirus ha India, ki la kiew sha ka 1,31, 868 ngut, da ka jingdon sa 6,767 ngut kiba dang ioh pang thymmai bad na kitei ki don 73,560 kiba dang don ia katei ka jingpang bad 54,440 kiba la jem bad kiba iap, ki la poi sha ka 3,867.
Ki la don sa 965 ngut kiba iap ha ki 24 kynta ba ladep ha Brazil bad mynta kiba iap, ki la poi sha ka 22,013 ngut baroh ha katei ka Ri. Kito kiba don ia katei ka jingpang, ki long 347,398ngut baroh bad katei ka Ri, ka la nang tam mynta ia ka Russia, lyngba ka jingdon ki 16,508 ngut kiba ioh pang thymmai.
Ka jingiap briew ha United States, ka nang kiew da 1,127 ngut ha ki 24 kynta ba ladep bad ka jingiap, ka la jan kot sha ka 1 lak ngut ha katei ka Ri, ong ka khubor jong ka John Hopkins University.
Ha Italy, ki don sa 119 ngut kiba iap Covid 19, kaba duna khyndiat na ka jingiap ki 130ngut ha ka shisngi shwa. Kiba ioh pang, ki kiew sha ka 669ngut, na kaba long 652 ngut na kaba long shisngi mynshwa.
Phi don ban ong eiei?