Nang kiew dor ka petrol, diesel ha ka jylla

Shillong: Ka dor jong ka petrol bad diesel, kan nang kiew dor ha Shillong bad Byrnihat, naduh ka shiteng synnia mynta ka miet.

Ka dor jong ka petrol, ha Byrnihat, ka long T.95.10 bad mynta kan long T.96.83 ha Shillong, katba ka diesel, kan long T.83.50 shi litar ha Byrnihat bad T.84.72 ha Shillong.

Ka khajna, kaba mynta jong ka petrol, ka long 13.5 percent lane T.11 shi litar; hynrei la kyntiew noh sha ka 13.5 percent lane kaba long T.12.50 shi liter, katba ka diesel, ka long 5 percent lane T.4 shi litar bad la kyntiew da 5 percent lane T.5.50 shi litar.