Nang jur ka thma jong ka Israel, leit ther bom ki jet iapom ka Israel sa sha Damascus

Ki khubor, kiba dang shu ioh, ki iathuh ba ka Israel, ka la ther bom, ha Damascus bad kumjuh ha ka kad liengsuin jong ka Aleppo ha Syria bad la iathuh, ba ka Israel, ka byrthen, ba kan dang pynjur, ia ka jingleit ther bom jongka, ia ka Syria, ha ki sngi, ki ban sa wan.

Ha kawei pat ka khubor, U Secretary General jong ka Nato, Jen Stoltenberg, u kren shai, ba ka Israel, kam long marwei, ha kane ka jingiakhun jongka bad ki ri ka NATO, ki don sha ka liang jong ka Israel. U heh duh ka NATO, u pynrem ruh, halor katei ka jingleit pyniap bein jong ki ehrang Hamas, ia ki riew paidbah ha Israel, ha ki khyndiat sngi ba ladep.