Nang jur ka jingpang U bah Hoping

Shillong, 25 Nailur:
U bah Hoping stone Lyngdoh MLA ka HSPDP na Nongstoiñ uba dei ruh u President Rangbah ka seng HSPDP mynta u don hapdeng ka jingshitom kaba jur bha bad u don hapoh ICU ha NEIGRHIMS Hospital. Ia u bah Hoping la leit rah sha katei ka hospital naduh ka lah sngi u blei ka 20 tarik u nailur, bad naduh katei ka sngi la ong ba u don hapoh ICU. Kham mynshuwa ki lad khubor ki la iathuh ba u bah Hoping u la kham ioh bor hynrei mynta ka miet la ong ba u la tlot bha bad u don hapdeng ka jingbym tip briew shuh. La iathuh ba la pyndait ia u da ki Ventilator haduh ba thoh ia kane ka khubor. Ki nongialam ka seng ka HSPDP bad ki ba ha iing hasem jong u mynta ka sngi ki la tuid sha katei ka Hospital ban leit jngoh ia u. U myntri Rangbah ka jylla u Dr.Mukul Sangma ruh mynta ka sngi u la leit jngoh ia utei khliehduh ka HSPDP.
Lah ban pynkynmaw ba u bah Hoping u la long u MLA ka Nongstoiñ la 11 samoi ( 55 snem) , u la long MDC 7 samoi kaba mut 35 snem bad u la long MP shi samoi (san snem). Dang ha ka sngi sdang Dorbar Synrai jong ka Ing Dorbar Thaw-aiñ ka jylla u bah Hoping u la poi Dorbar hynrei namar ka jingban ka jingshitom um shym la lah ban leit Dorbar haduh ban da kut ka dorbar synrai kaba la kut noh mynhynin ka sngi.