Ka khlam corona virus, ka kiew stet shi katdei ha India, ha kaba ha ki 24 kynta ba ladep, ki don 24,850 ngut kiba ioh ia katei ka pang khlam ha India. Baroh kiba ioh pang ha ka Ri, ki la poi mynta sha ka 6,73,165 bad kiba dang shah sumar, ki long 2,44,814, katba kiba lah jem, ki long 4,09,083 bad nangta sa kiba iap ki long 19,268 ngut, ong ka khubor jong ka tnat Health and Family Welfare mynta ka step. Ha kine ki 24 kynta ba ladep, kiba iap ki long 613 ngut.
Ha Mexico, kiba iap ki don 523 ngut ha ka 4tarik Naitung 2020 bad baroh kiba iap, ki la poi sha ka 30,366; nangta ki don sa 6,914 kiba ioh pang thymmai bad baroh kiba ioh pang, ki la poi sha ka 252,165 ngut. Ka jingbun kiba iap, ka la tam mynta ha Mexico, ban ia ka France bad mynta ka wan ha ka kyrdan ba san, hadien ka Italy.
Ha Brazil, ki don sa 37,923 ngut kiba ioh pang ha ki 24 kynta ba ladep bad kiba iap, ki long 1,091 ngut. Mynta baroh kiba ioh pang, ki long 1.5 million ngut bad kiba iap, ki la poi sha ka 64,265 ngut.
Phi don ban ong eiei?