| Jowai:Hadien jong ka jingkyntiap seng jong u ma Draison Kharshiing ki nongialam jong ka PDF kum u Malvi Timung na ka shnong Lapangap, u Dimitrius Kharlukhi, u Plelad Shallam na Umladang, nangtang u Jambor Lyngdoh na Lapangap bad u Datam Suting na Bambthong ruh ki la wan ban ai ka jingkyrshan kaba pura ia u ma Jopthiaw Lyngdoh.
Lah ban pynkynmaw ba u bah Draison uba la ju long ruh u MDC bad MLA na kane ka thain, ula pynbna ba un ialeh na ka seng PDF, hynrei tang ha ki khyndiat sngi kiba la lah ula shim noh da ka tiket na ka seng BJP bad ki nongkyrshan jong u ki la leit ban kyrshan ia u ma Jopthiaw Lyngdoh. Ka khubor kaba la ioh lum ka iathuh ba u ma Jopthiaw Lyngdoh uba long u candidate jong ka Seng Indian National Congress ula nang kiew na kawei ka sngi sha kawei pat.
Katkum ka khubor kaba la ioh lum ha kine ki khyndiat sngi kiba la lah ki riew rangbah bad ki nongialam na ki bynta bapher bapher jong ka Nartiang constituency, ki la wan ban ai ka jingkyrshan kaba pura ia u ma Jopthiaw Lyngdoh. Ha kine ki sngi kiba la lah u ma Joseph Pariat na ka shnong Moodymmai, u Kyrsiew Kharbithai na Maskut, u Charles Lyngdoh na ka shnong Tyrchang kila wan ban ai ka jingkyrshan kaba pura ia u ma Jop. Kham mynshuwa u ma Elias Susngi uba ju long mynshuwa u nongkitkam jong ka NPP na ka shnong Namdong ula wan ban kyrshan ia une u kyrtong ka INC. Dang shen u Head Symblai naka shnong Nartiang, u ma Lis Suna na ka shnong Kdiap ruh ki la wan ban iatreilang bad u ne u candidate ka Congress. |
