Ka jingiap na ka jingpang coronavirus, ka la hiar shi katdei ha Italy bad haduh mynta kiba iap ki long 16,523 ngut, katba kiba dang ioh pang thymmai ki long 3,599 bad baroh kiba ioh pang, ki poi sha ka 132,547 ngut bad la iathuh ba katei ka dei kaba la duna shibun, haba ia nujor bad kiwei pat ki sngi ba ladep.
Ka jingiap ha ki 24kynta ba ladep, ka long 636 ngut bad ka kiew da shispah ngut, na kaba long ha ka Sngi U Blei, ha kaba kiba iap, ki don 525 ngut.
Ha shwa jong ka Lah sngi U Blei, ka jingkiew katei ka jingpang, ka long hapdeng ka 4,050 sha ka 6,557 ngut ha ka shisngi shisngi.
Ki nongpang, kiba shitom jur ruh, kiba don hapoh intensive care unit, ki la nang hiar shi katdei ha ki ar sngi ba ladep bad ka jingkiew katei ka jingpang ia bit ruh ka la hiar shibun ha kine ki san sngi ba ladep, ha kaba ka jingkiew, ka long tang 4,316 ngut ha kine ki sngi.
Phi don ban ong eiei?