Nang ban iashong lang ban ai ia ka jingsuk:Roshan

Shillong, 22 Nailur:
Ka myntri kam pohiing ka jylla ka kong Roshan Warjri ka la ong ba don kam ban nang ban iashong lang khnang ban ailad ia ka jingsuk kan ioh jaka.
Haba kren lyngkot ha ka jingiaseng duwai ban rakhe ia ka jingdap 50 snem ka Church of Jesus Christ ha kane ka sngi Saitjain ba la dep ha madan Malki. Kane ka Balang ka la khot ia kiwei ki nongialam niam ban pyndonkam burom ia kane ka sngi.
Haba kren ha ka sngi, kaba la rakhe ruh kum ka International Day for Peace ka Kong Roshan ka la ong ba ka jingpynlong ia ka jingrakhe ia kane ka sngi ka long kaba donkam khamtam haba ka jylla bad ka ri ka don hapdeng ka jinglon g jingman kaba donkam ia ka jingsuk.
“Lada dei ban ioh ia ka jingshongsuk, la dei ia ngi ban nang ban shong lang hapdeng ki jaitbynriew bapher bapher”, la ong ka Kong Roshan.
Kum ka dak ka jingpynsaphriang ia ka jingsuk, ka Kong Roshan bad u Naba Bhatterjee ki la pynher ia ka paro lieh hynrei kine ki paro kim her bad ki shu dem noh hajan ba shong ma ki hi.
Nalor ka myntri kam pohiing, la ioh ruh ia ka jingkren na u Naba, nonghikai na UCC nalor kiwei pat ha ka jingialang kaba pyniaid da u Pastor I Ryntathiang.