Nang ai ding ka HNLC, ba byrngem pynbthei bom

Shillong, 13 Jylliew:
U bah Erwin Syiem Sutnga, ula phah shithi sha U bah HDR Lyngdoh, myntri kam poh iing jong ka sorkar Jylla, ha kaba ula pynpaw ia ka jingsngewkhia jongu, halor ka jinglong ka suk ka sain, na ka daw jong ka jing pyrshah lynti rel ha Byrnihat.
U Bah Erwin, u ong ba ka Jylla, ka don ha ka jing kordit kaba jur ha kine ki sngi, na ka daw jong ka jing khang dewiong, ka jingkhang tih maw bad mynta, ka don tang kawei ka lad bad kata ka long ha ka liang ka kam shang pyrthei, kaba ki briew, ki ia ioh kamai ha ki bynta jong ka nongbah Shillong bad kumjuh ruh ha East bad West Khasi Hills District. Ka don ka jingma ba kan don ka jing ia pyni bor hapdeng ki trai Jylla bad ki bar Jylla, na kane ka jing iakhih ba la pyndep da ka KSU bad kaba poi sha ka jing ia pyni bor pyrshah bad ka sorkar Jylla bad ka HNLC, mynta ka la mih ban nang ai ding bad kata ka long ban pynpaw ba ka long ba la kloi ban pynbthei bom, kum ka jingsngew pyrshah lynti rel ha Byrnihat.