Shillong:Ka longkmie kaba shah khang lynti na ka jingdheng kali ha ka sngi saitjain ba la dep, ka Kong Daphiralin Jyrwa, ka la iathuh ba ka la sahkut haduh 3 kynta ha surokbah Shillong-Nongstoin-Tura ha ka thain Pamphyrnai, bad yn da la lait na katei ka jaka ka la hap ban sahkut biang sa ha Umlieh, namar ka jingdon ka tamasa khalai khwai dohkha kaba la set syndon sbak ia ka ïaid ka ïeng ki paidbah.
Kane ka long kmie kaba la duh noh ia I khunlung shynrang ia kaba la hap ban kha hapoh kali, ka la iathuh ba ha ka por ba ka mih na shnong Mawthawniaw, kam shym la shitom eiei, hynrei ka la mih namar ba ka sngewthuh ba ka por ka la jan dei ban kha ia I khyllung, pynban ka la iakynduh ia katei ka apot ba sngewsih ha shiteng lynti.
Ka la iathuh ba ka la mih na la shnong da ka kali kamai da ka jingthmu ban wan shah sumar sha Shillong ban ioh ia ka jingsumar kaba kham bha, hynrei ynda la poi ha ka thain Umphyrnai ka la iakynduh ia katei ka apot, wat haba la pyrshang ban pynsngewthuh ba ka dei ka kali ba kit ia kaba shitom bad ba donkam kyrkieh. Namar ka jingbym lah ban poi shuh sha Shillong, ia kane ka longkmie, la sumar noh ha Holy Cross Hospital ha Mairang.
Ka kong Daphiralin Jyrwa, ka khlem da buh khoh iano iano, ka la pynpaw ka jingsngewsih ba tang namar ka tamasa sngewbha, la shu jot bad sngewsih ei ka longïing, bad ka la kyntu ba kito ki briew kiba leit sha kum kine ki tamasa, ki dei ban peit ba kum kine kim dei shuh ban jia.
ki sengbhalang ki kloi bn khang ia casino ba contibute tax bd ktah tang ia ki lakh patti, hynrei kim pyrshah pat ia ka casino khwai dohkha ba ktah salonsar, imat ladei tang ishu election bn pynrem ia npp
Ka dei ka kamram Jong ka kmie ban ujor syndon Da ka FIR khnang ba ka ain kan leh dakaba tyngeh iaki nongpyniaid khwai