Namar ka T.700, shah kem 7ngut ki nonglute ha Mawiong

Shillong, 4 Nailar:
Hynniew ngut ki nonglute ki la shah bat ha ka shnong Mawiong bad la aiti sha ki pulit ha kane ka sngi Saitjain.
U SP ka East Khasi Hills u Bah Mariahom Kharkhrang u la ong ba kine ki nonglute ki la shah bat ha ka shnong hadien ba ar ngut ki rangbah ki la leit iathuh sha ka shnong hadien ba ki la shah lute ha kitei ki briew por kumba 10 baje ei ei myn miet. U SP u la iathuh ba u Bah Elevenson Kharkongor bad Bah Rangdamut Kharmalki ki la leit buh ia kawei ka longkmie ba pang sha sha Thangshalai hynrei ynda ki la wan phai, ki la shah khang lynti ha kawei ka trok S (AS01DC/1965) ha Mawiong. Ha kane ka trok kaba don bun kumba 7 ngut, ki la hiar bad lute ia kine ki briew T. 700, kawei ka mobile, ka tape kali.
Kine ar ngut hadien ba la shah lute, ki la leit pyntip wut wut sha u rangbah shnong ka Mawiong bad la khot paidbah bad la ioh syndon ia kitei ki runar. Kine ki runar nonglute ba shah kem la tip kum U Raymon Warjri (20) basah ha Mawlai Mawdatbaki, Headingson Kurbah (21) Nongthliew, Sohiong, Lamphrang Pakyntein (19) Mawlai, Samkisoh Shabong (18) Nongthliew Mairang, Lamdingstar Kharkrang (18) na Krang, Mairang, Klossing Rani (20) Mawumkahkhang, Mairang bad uwei ba dang 16 snem. Kin shah tohkit saw sngi kynthih.