Namar ka jingsniew palat ka surok NH-6 ngam ka trok hapoh thliew ha dong Umkiang

Shillong 10 Nailur: Kawei ka trok ka la ngam hapoh kawei ka thliew ba heh bah jong ka surok National Highway-6 ka ba don ha ka dong Umkiang.

Kane ka jingjia kadei ka ba la jia hynnin ka sngi ha ka 09 tarik nailur 2024 katba ka dang iaid ha surok kynsan kynsan ka la liat hapoh ka thliew namar ka jingsniew palat liam ka surok NH-6.

Ka jingliat katei ka trok ha ka thliew ba heh jong katei ka surok National Highway-6 ka la pynlong ia ki kali ki ba leit ba wan ban sahkut da ki phew kynta namar ka jingslem ban pyllait.

Haba phai pat ha ka ba iadei bad ki surok la kalong ha sor ne nongkyndong ka jingshna ia ki surok heh ka long tang ban shna dep rukom tang ban dep kloi khlem da pyrkhad ia ki kali khatam ki kali heh ban ngam ha ki thliew bad ruh ban pynlong ia ka surok ban sniew kloi.