Shillong 21 Rymphang: Namar ka jingmih jingkulmar ha ki 4 tylli ki polling station ki ba don ha ki ar tylli ki Constituency ki ba don hapoh ka East Jaintia Hill District, ka tnad Jong ka District Council Affairs (DCA) ka la rai ban pynlong biang ia ka jingthep vote ha ka 22 Tarik Rymphang 2025 ia kane la pyntip da u Commissioner Secretary ka District Council Affairs u bah CV Diengdoh .
Ki ne ar tylli ki Constituency kiba mih ka jingkulmar ki kynthup ia ka 22 – Musiang Rngad Constituency kaba ha Wahpung Skur polling station bad kawei ka dei ha 29 -Batao Lakadong Constituency ha Batao polling station kine ki hap hapoh ka East Jaintia Hill District.
Ha ba kren bad ki lad pathai khubor u bah CV Diengdoh u iathuh ba Ka jingthep vote na ka bynta ka KHADC bad JHADC kaba la long ha ka 21 Tarik Rymphang 2025 , ka la sdang naduh 7 baje haduh 4 baje janmied, hakaba na ka bynta ka KHADC kam shem la don kano kano ka jingkulmar bad ka jingthep vote ka la long kaba jaijai. Na ka bynta ka Autonomous District Council ka Polling persentage haduh 3 baje janmied na ka bynta ka KHADC kalong 60 % bad na ka bynta ka JHADC ka long 70 %.
“Hynrei na ka bynta ka JHADC ka la don ka jingkulmar ha ki ar tylli ki Constituency , kat Kum ka jingpyntip na ki bor district bad ki RO ka jingkulmar ka la jia ha 22- Musiang Rngad bad ha 29 Batao Lakadong Constituency ki ba hap hapoh ka East Jaintia Hill District” u la ong .
U la bynrap ” ha Musiang Rngad Constituency ki ar tylli ki polling station kata ka Wahpung Skur (a) bad (b) ki la shah pynpra ha ki katto kat ne ngut ki briew ki bym lah ban iathuh .Kumjuh ha Batao Lakadong Constituency ki artylli ki polling station ki ba kynthup ia ka Batao( a) bad (b) polling station ruh ka la shah pynpra ki EVM bad kane ka polling station ha ki briew ki bym lah ban ithuh”.
“Hakaba ngi la ioh jingtip bad ngi la bishar bad kat Kum ka rule ka DCA ka la pynmih da ka hukum ban pynlong biang ia ka jingthep vote ka ban long ha ka 22 Tarik Rymphang 2025 kaban sdang naduh ka 7 baje mynstep bad kut ha ka por 4 baje ” u la ong .
U la bynrap ” ha kane ka jingjia ym Shem la don kano kano ka jingjia ba sngewsih hynrei ki briew ki la shemtieng , bad ka tnad kan sa pynlong ia ka jingtohkit halor kane bad na ka bynta lashai ka sngi ka tnad kan pynbiang ruh ia ki bor pahara na ka bynta ka jingthep vote ha kine ki ar tylli ki Constituency ban pynthikna ba Kum kane ka jingkulmar kan ym mih shuh .
U bah CV Diengdoh u la iathuh ba halor kane ka jingjia ka tnad kan sa tohkit bha, “kaba mynta namar ka rule ka shah ba ngin pynlong biang ia ka jingthep vote ha kine ki 4 tylli ki polling station lashai ka sngi .
Phi don ban ong eiei?