Ka jingshah leh shait jong ki actress kiba ak ha ki phlim bollywood, ka la sdang paw pyrthei ha kine ki sngi, ha kaba ka Tanushree Dutta bad ka Kangana Ranaut, ki la mih ban kren paidbah halor kitei ki jingjia.
Ka Tanushree Dutta, ka la ujor sha ki pulit pyrshah ia U Nana Patekar, ha kaba ka kynnoh ba u leh shait ia ka, ha ka por ba ki dang ia ak phlim ha u snem 2008 bad ka Dutta, ka la kynnoh ruh ia uwei na ki nongthaw ia katei ka phlim U Ganesh Acharya, ba u don bynta lang ban leh shait ia ka. U Nana Patekar, ula kyntait ia katei ka jingkynnoh bad ula phah jingthh sha ka Dutta, ba ka dei ban weng ia ka jingujor bad ban panmap paidbah.
Ka Dutta (34), ka kynnoh ba U Patekar (67), ula leh shait ia ka, ha ka por ba ia ak ia ka bynta jong ka jingrwai ha katei ka phlim ha u snem 2008 bad ka kyrteng jong katei ka phlim ka long ‘Horn OK Pleassss’.
Ka Dutta, ka iathuh ha ka NDTV, ba U Patekar, u khem ia ki kti jongka, da kaba kam ba u kwah ban hikai shad.
Ka Dutta, ka kynnoh ruh ia u nongthaw phlim U Vivek Agnihotri, ba u leh shait ia ka, ha ka por ba ka ak ia ka phlim jongu, kaba la ai kyrteng ‘Chocolate’, ha kaba ula phah ia ka, ba kan law jain sharud jong ka Camera.
Ka Kangana Ranaut pat ka kynnoh ba U Vikas Bahl, uba thaw ia ka phlim Queen, ula leh shait ia ka, ha ka por ba ak ia katei ka phlim ha u snem 2014. “U Vikas, ula don lok ha u snem 2014, hynrei ha ka por ba ngi ia ak ia ka phlim Queen ha u snem 2014, ula leh shait ia nga bad u ju wohnia ruh, ba nga thiah dang dang kloi bad ba ngam ju ialehkai sngewbha bad u ha ka por mynmiet”.
Ka Kangana, kaba don 31 snem ka rta, ka kam ba U Vikas, u ju bat skhem bha ia ka trait bad pyndei ha ka met jongu bad ju sma iewbih bad ring mynsiem slem bha ha ka por ba u pyndei ia ka khmut jongu, ha u shniuh jong katei ka actress. Ym tang katta, ka iathuh ba man ba ia kynduh, u ju kdup ieid ia ka bad u da dem ia ka khlieh jongu shislem hapdeng ka ryndang jong katei ka actress.