Naduh u snem 2018, ka NPP, kam shym la ai jingkhein, ia ka jinglut sha ka tnat elekshon, kynnoh u heh AITC

Shillong:U Saket Gokhale, uba dei u nongkren jong ka seng All India Trinamool Congress (AITC), ula thoh ha ka peij jongu, ha ka twitter, ba ka NPP, kaba dei ka seng synrop jong ka BJP, kam pat ai jing tip satia sha ka elek shon komishon, ia ka jinglut jingsep jongka, wat tang shisien ruh, naduh ka elekshon MLA 2018, wat la ka ain, ka bthah, ba dei ban leh kumta, hapoh 75 sngi. “Nga la pan por arsien bad ka tnat elekshon, hynrei ngam ioh jubab satia” ong U Gokhale.

U Gokhale, u ong ba ka Supreme Court, ka la kren shai, ba ki seng, ki bym pyni, ia ka jinglut jing sep jongki, hapoh 75 sngi, kin duh noh ia ka jing ithuh jong ki elek shon, katba kum ka rai jong ka Supreme Court, ha ka mukot duma jong ka Common Cause vs. Union of India. La ong shuh U Gokhale, ba ka NPP, ka dei ka seng, kaba la shah pynduh ia ka jing ithuh jong ka elekshon komishon, ha u snem 2015.