U President ka Sri Lanka, U Maithripala Sirisena, un pynjari da ka synshar shipai ha Sri Lanka, ka ban trei kam naduh mynta ka shiteng synnia bad ka daw ka long namar ka jingbthei bom hynnin ka sngi, ha ki iingmane bapher, kaba la pyniap ia 290 ngut ki briew bad pynmynsaw ia 500ngut kiwei pat.
“Ka sorkar, ka la rai ban pyntrei kam da ka ain, ka ban iakhun pyrshah ia ki kam lehnoh ha ka Ri bad katrei kan trei kam naduh shiteng synnia” ong ka kyrwoh na ophis jong U President ka Ri. La kren shai ba katei ka jingsynshar ka thmu ban pyntroin ia ki kam ehrang ha katei ka Ri bad kan nym ktah satia ia ka jingkren laitluid ha katei ka Ri.
Na ka liang jong u nongkren na ka sorkar Sri Lanka, U Rajitha Senaratne, u iathuh ba ka jing pynbthei bom, ka dei kaba la lam khmat da ka kynhun kaba trei kam ha ka pyrthei hi baroh kawei.
“Ngim ngeit ba kane ka jinghiar thma, kan dei kaba la donkti da kito ki briew kiba don ha kane hi ka Ri” ong shuh U Senaratne. “Ka dei ka jingdonkti ka kynhun kaba trei kam ha ka pyrthei hi baroh kawei, namar ba lada kam don katei ka kynhun, kan nym long satia kaba jop”.
Phi don ban ong eiei?