Shillong: U Chief Executive Member jong ka Khasi Hills Autonomous District Council u bah Latiplang Kharkongor, mynta ka sngi u la lum ia ka jingialang bad u acting Syiem ka Hima Mylliem, U Paiem Ainam Manik Syiem bad ki myntri ka Hima Mylliem bad shim ia ka rai ban pynmih ia ka jing pynbna ba naduh mynta ka sngi kin ym shah shuh ban ai mynjur, ban ioh Trading laisen ki bar jylla.
Haba ia kren bad ki lad pathai khubor ha ophis trei kam jong u, u CEM u la ong ba mynta ki trai jylla ki la duna ha ka kam khaii bad ki la kiew ki bar jylla bad haduh mynta ka iewduh ka long kum ka iew kyntang ban pynneh ia ka riti dustur bad kumta U CEM um kwah ba ki trai jylla kin kylla rit paid ha iew duh.
U la ong ruh ba naduh 2014, hi ka por u dang bat kum u EM ka trade, hadien ba u la dep jurip ia ka jing hiar ki nongkhaii ki ba dei ki trai ri bad ka jing kiew ki nongkhaii bar jylla, u la pynmih ia ka jing pynbna na ka liang ka Hima ba kan ym ai mynjur shuh ia ki bar jylla, hynrei ka jing hap jong ka EC ha ka to ka por ka la weng noh ia katei ka hukum.
Hynrei haduh mynta ruh kine ki jingwan shim ia ki laisen thymmai ki dang don bad kumta ban khang lad ia kata ka jing wan shim ia ki trading laisen, la pynmih ia ka jingpynbna ba ki Hima kim dei shuh ban ai mynjur ia ki bar jylla.Kat haduh mynta ki dukan kiba don ha iewduh ki don kumba 5000 tylli ki dukan bad shiteng na kitei 2500 tylli ki dukan ki dei kiba shong ki bar jylla, katba ki dukan ki dei kiba la long trai da ki Khasi.
Mynta yn khang noh syndon noh ia ka jingai mynjur, ba kin ym ioh shuh ban shim trading laisen bad kane kan pynlong ba ki trai jylla, kin ai shongwai noh ia ki trai jylla hi ban kyntiew ia ki trai jylla ha ka kam khaii ha iewduh, u la ong.
lada kam trai pat da ki longkmie khasi pat, ba pyniaid u bar jylla phin leh kumno?
Pan ia ki kot ki dulir kiba tikna bha wat ngeit tang is ka ktien
Lada dei ba Kane ka khubor ba mynta ka sngi Kan treikam shisha la long ka jingkyrmen ia ngi ki bum pat don Kam don jam ban ioh sengkam lajong bad suki² wat ban beh ia ki khar motor na them iew mulong ruh Kan kham suk shibun
Khublei shibun
Kane Kan urlong shisha ne kadei Tang ka Nia politics but