Shillong: Naduh lashai ka sngi ka dor jong ka Petrol , ka Diesel kan hiat T.2.50 tyngka shi litar bad ia kane la pynbna da u myntri rangbah ba-ar ka sorkar jylla u bah Prestone Tynsong hadien ka jingialang jong ki kynhun myntri sorkar kaba la long mynta ka sngi.
Da katei ka jingpynhiar dor ia ka umphniang ka sorkar kan hap ban buria nalade T.15 klur tyngka shisnem bad ia katei ka pisa u bah Prestone u la ong ba ka sorkar kan thaw ki lad ki lynti. Lah ban kdew ba ka dor jong ka Petrol haduh mynta ka long T.81.66 tyngka shi litar bad ka Diesel pat ka long T.73.99 tyngka shi litar.