Naduh ka 15 tarik, ki nongtrei sorkar ki dei ban poi tang 50% shisngi sha ki ophis

Shillong: U symbud myntri rangbah ka jylla u bah Prestone Tyngsong, u la iathuh ba ki nongtrei sorkar, ki dei ban poi trei naduh ka 15 tarik mynta u bnai bad katei kan long tang 50 % shisngi bad la aiti ha u Chief Secretary ba u dei ban pynbeit ia ka jing wan trei jong ki.

Haba kren ha ki lad pathai khubor, u la iathuh ba ka kabinet mynta ka sngi hadien ba la bishar bniah ka sorkar ka la sngewdei ban phah wan noh ia ki nongtrei tang 50%.

Na ka liang ka sorkar ka la aiti ia u Chief Secretary bad ka jingiapynbeit bad ki head jong ki tnad sorkar jong ka jylla bad yn pynbeit ba 50% ki nongtrei kin wan trei ha ka shi sngi.