Jowai: Na ka bynta ban ailad ia ki nongshong shnong ba kin ia thied ia pet ia ki jingdonkam jong ki ha ka por pakhang shnong ha West Jaintia Hills u Deputy Commissioner u la pyntip ba baroh ki dukan rashon NFSA bad ki bym dei NFSA, kin plie man la ka sngi naduh ka 31 tarik lber, 2020 naduh ka por 9baje mynstep haduh 12 baje shiteng sngi.
U Deputy Commissioner u la pyntip shuh shuh ba ki nongdie ba la ioh bor na u DC bad kiba la shah jied ha ka dorbar shnong ki lah ban plie ha ka sngi Nyngkong, sngi Balang bad sngi Saitjain katkum ka por ba la buh. Ki iew baroh kin dang khang kat haduh ban pynbna da kumwei pat.
Ki Rangbah Shnong ha ryngkat ka jing iatreilang bad ki bor pulit kin khmih bad peit bniah na ka bynta ban pyniaid beit ia ka thied ka pet bad kumjuh ruh ban pynthikna ban bud ia ki kyndon ba la buh da ka sorkar ban ia jngai iwei na iwei.
U Deputy Commissioner u la buh ruh ka jingkyrpad ia ki paidbah ba kin iasnoh kti lang bad ki bor district,pulit, bad Rangbah Shnong da ka ba bud ia ki kyndon ba la buh kata la kumno kumno ban ia jngai shi meterna ka jing ia ieng lain bad kumjuh ruh ban kiar na ka jingialum paidbah.
Hakane ka khubor phi ong ban plie dukan balei pat ha ummulong ki khang kim shah ban plie, ki paitbah ba wan na ki jaka bamarjan kim shym ioh lad ban thied marbam hakane ka 31tarik ki shu lost kai baroh