Naduh 4baje baje mynstep, yn plie ki 7 tylli ki iew nongrep

Shillong: Ha ka jing pynmih khubor mynta ka sngi, ka Deputy Commissioner, East Khasi hills, ka pyntip, ba ka iew nongrep ha 5mer, nangta ka iew nongrep ha 7mer, nangta ka iew nongrep ha Urkaliar, Sankhamti Parking Lot, Demseiniong, Shiliangum Lawei Farmers’ Market, Anjalee Parking Lot, Lad Smit Umphyrnai, kin plie naduh ka por 4baje mynstep, haduh ka por 4baje janmiet man ka sngi.

Ka Mawiong Regulated Market, kan plie naduh ka por 4baje mynstep, haduh ka por 5baje janmiet man ka sngi bad kitei ki iew, kin sdang, ha katei ka por trei kam, naduh lashai ka 23tarik Jylliew 2021.