Naduh 2tarik Nailar, yn pyni ia ka phlim Jingmaham

Shillong: Ki nongshna jong ka phlim “Jingmaham” mynta ka sngi ki la pynbna paidbah ia ka jing pyllait paidbah noh ia kane ka phlim ha ka 2 tarik u Nailar 2019 ha Bijou Cinema Hall,ka por ba kin pyni ia kane ka phlim kan long 11:30,2:30 bad 5:30 bad kane ka phlim kin pyniaid iew tang artaiew.

Ia kane ka phlim la pynmih, da i kong ZoeGuite Mawthoh, katba la thaw pat da u Munish Singh bad ki tyngshop ki puron kiba kham paw khmat, ki don 6 ngut baroh. Kine ki tyngshop ki puron ki kynthup ia u Bah Sanat Basaiawmoit, ka Kong Mercy Linda Pyngrope, ka Kong Anisha Sohtun, u Bah Fullmingstar Lyngdoh Mawlot bad u Bah Goldenstar Suchiang.
Haba iathuh khana khyndiat shaphang kane ka Film, la iathuh ba ka dei shaphang ka jingeh jong ki nongrep haba ki la dep ia u mar rep jongki bad wan die sha iew. Dei hangne ba ki nongrep ki iakynduh jingeh, namar ka jingshah khniot palat ka dor ka mur ha iew ha hat.