Ki nongtrei Bank bapher, ki la pynkhreh ban pynlong ia ka jing iakhih ha kylleng ka India, ha ka 26tarik Nohprah 2018, hynrei mynta la iathuh ba ka don ka jingbyrngem ban pynlong ha ka 21tarik Nohprah ruh bad kitei ki jing iakhih ar sngi, khlem pep, kin ktah jur ia ki riew paidbah ha shwa jong ka jingrakhe Khristmas.
Na ka liang jng ka All India Bank Officers Confederation (AIBOC), ka la rai ban pynlong ia ka jing sangeh treikam ha ka 21tarik bad katei ka long ban pyrshah ia ka rai jong ka Indian Banks’ Associations (IBA), kaba pyrshah ia ka Scale IV jong ki ophisar kaba long ruh ka rai kaba beain jong ka IBA.
Ka 21tarik Nohprah 2018, kan dei ka sngi thohdieng bad kumta ki Bank, kin sangeh treikam haduh ka 26tarik Nohprah 2018, hynrei lait nangta kin dei lut ki sngi shuti.
Ka United Forum of Bank Unions (UFBU), ka dei ka kynhun jong ki 9 tylli ki seng, kiba hap ha ki Bank bapher bapher kaba kynthup ia ka AIBOC bad kitei ki don ia ki jing dawa kiba ia syriem.