New Delhi: Ka elekshon sha ka dorbar Lok Sabha, kan sdang naduh ka 19tarik Iaiong bad kan kut, haduh ka 1tarik Jylliew 2024 bad kin don haduh hynniew sien ki sngi thep vote, katba ia ka result, yn pynbna ha ka 4tarik Jylliew 2024. Ki kyndon jong ka elekshon, ki la sdang treikam, naduh hynnin hi ka sngi, kaba dei ka sngi, ba la pynbna paidbah, ia katei ka elekshon MP 2024.
Ka kylla step jong katei ka elekshon, kan dei ha ka 19tarik Iaiong 2024 bad ka kylla kaba ar, kan dei ha ka 26tarik Iaiong 2024, ka kylla kaba lai, ha ka 7tarik Jymman, ka kylla kaba saw, ha ka 13tarik Jymmang, ka kylla kaba san ha ka 20tarik Jymmang, ka kylla kaba hynriew, ha ka 25tarik Jymmang bad ka kylla kaba hynniew, ha ka 1tarik Jylliew 2024.
Ki elekshon sha ki dorbar jylla, ruh kin long ha kane ka sien, ha kaba ka Andhra Pradesh, kan long ha ka 13tarik Jymmang, ha Arunachal Pradesh bad Sikkim, ha ka 19tarik Iaiong, ha Odisha, ka jingthep vote, kan long saw sien, ha ka 13 bad 20tarik Jymmang 2024. Yn pynlong ruh ia ki elekshon shiteng samoi, ha ki 26 tylli ki Constituency ha ryngkat bad katei ka elekshon Lok Sabha.
Phi don ban ong eiei?