Naduh 17 haduh 31 tarik lber 2020 tyrwa ka sorkar, ban khang lut ki skul hapoh ka jylla

Shillong: U myntri ba dei ia ka koit ka khiah u Bah A.L Hek mynta ka sngi hapoh ka ing dorbar u la tyrwa ba ka sorkar Meghalaya ka dei ban khang lut ia ki jaka pule naduh ki skul bad kolej lait noh kiba leit thoh eksamin khnang ban tehlakam ia ka jing saphriang ka jing pang ‘Corona Virus’.

Nalor ki jaka, ki jaka ban khang ki kynthup ia ki Cinema Hall, ki Swimming Pool, ki Pubs bad baroh ki jaka ba khring paidbah.

U myntri ka koit ka khiah u la ong ruh ba ki paidbah ki dei ban kiar na ka jing ialang paidbah kum ki workshop, training, ka iew ka hat, bad ki jaka jngoh kai pyrthei.