Shillong: U Myntri ba dei peit ia ka tnad pule puthi u bah Lahkmen Rymbui mynta ka sngi u la iathuh ba ha ka jingialang ka ba la long mynta ka sngi, la shim ia ka rai ba nduh ka 15 tarik u Risaw 2020 ki la shah ia ki skul ban ai jingrap sa ia ki khynnah ki ba pule ia ka klass VI haduh klass VIII.
Haba iakren bad ki lad pathai khubor, na ka liang u Bah Rymbui, u la iathuh ba hadien ba na ka liang jong ka Ministry of Home Affair jong ka sorkar pdeng ka la shah ia ki skul ba kin plie kumta na ka liang jong ka sorkar Jylla ka la shim ia ka rai ban shah ia ki nonghikai ba kin ai ka jingrap ia ki kynnah ki ba pule klass VI haduh Klass VII, ba kin leit sha ki skul ba kin wad ka jingiarap na ki nonghikai.
U la ong ruh ba kumba la ailad ia ki khynnah klass IX haduh klass XII ban kin leit sha ki skul; kumta la shah ia ki Upper Primary naduh ka Klass VI haduh ka klass VII ba kin leit wad jingiarap na ki nonghikai; hynrei kane kam dei na ka bynta ban pynlong skul, kum ba ju long (regular Class) bad kan dei tang na ka bynta ka leit ban pan jingiarap na ka bynta ban pan jingiarap ha ka jingpule. U la ong ruh ba kane ka rai kaba la shim da ka sorkar jylla, ka long ba ha kane ka khlam ka don ka jingiapher ha pdeng ki ba ioh bad kiba duh klass, khamtam ha ki thain nongkyndong, namar ba kim don ka lad ba ki ioh ban hikai Online ban iarap ia ka jingpule jong ki khynnah. Kane ka long ruh ba ki khynnah kin lah ban sngewthuh ia ka jingpule kiba ki dei ban pule na ka bynta u ne u snem.
Ha kaba iadei bad ki protocol baroh ki skul kin bud ia ki juh ki Protocol, kiba la pynmih ha ka 17 tarik u Nailur 2020 bad kaba la pynneh biang ha ka 1 tarik u bnai Risaw 2020 na ka bynta ban ai jingrap ia ki khynnah Klass IX haduh klass XII, u la ong.
Phi don ban ong eiei?