Shillong:U Bah Lah kmen Rymbui u myntri ba dei peit ia ka tnad pule puthi u la ong ba katkum ka jingbthah ba la wan na ka sorkar Pdeng ka la pynmih ia ka jingbthah ba naduh ka 1 tarik u Nailur 2020 la shah ban pynlong ia ki eksamin ki bapher bapher kum ka NEET bad ka JEE.
Kumjuh la bthah ruh ba naduh ka 21 tarik u bnai Nailar 2020 ia ki nonghikai ba kin leit sha skul. Kane ka long na ka bynta ki khynnah ki ba pule ia ka klass IX, Klass X,klass XI bad klass XII ki ba kwah ban wad jingiarap na ki nonghikai ha ka ba iadei bad ki note ne ban leit shim ia jingthoh.
U bah Lakmen u la iathuh ba myn hynnin ka sngi la lum ia ka jingialang bad ki 11 ngut ki Deputy Commissioner jong ki District baroh bad shim ia ki rai ba baroh ki skul ki ba la pynkylla sha ki Corona Care Cennter bad Quarantine Center ki dei ban pynlait bad pynkhuid noh ia ki hapoh ka 15 tarik u Nailur 2020.
U bah Lakmen u la iathuh ruh ba naduh ka 21 tarik u Nailur 2020 ka tnad pule puthi kan ai noh ia ki syllabus ki ba hap ban pyndep mynta u snem bad ba kin bthah ia ka rukom ban pynlong ia ka eksamin khnang ba ki nonghikai kin lah ban pyndep ia ki lynngong ki ba ki khynnah ki ba pule ia ka klass IX, klass X Klass XI bad klass XII kin ioh ban pynkhreh na ka bynta ka Eksamin jong ki .
U bah Lakmen u la iathuh ruh ba kum no kin pynlong ia ka eksamin na ka bynta ki khynnah yn sa batai hadien.
Phi don ban ong eiei?