Shillong: Kum shi bynta ban kham pynjynsur shuh shuh ia ka jingpakhang shnong, ka sorkar Jylla mynta ka sngi, ka la shim ia ka rai ba naduh ka 11 tarik u Jymmang 2020 ka la shah ban plie ia ki dukan die tiar kali bad kum juh ia ki dukan die kutia mutia ha baroh ki district, lait noh ki dukan ki ba don ha Iewduh bad ha Khyndailad.
Haba ia kren bad ki lad pathai khubor, u symbud myntri rangbah ka jylla u bah Prestone Tynsong, u la iathuh ba na ka liang ka sorkar ka la rai ba ki dukan die tiar kali bad ki dukan khutia mutia ha baroh ki district, la shah ban plie noh naduh ka sngi nyngkong, lait noh tang ia ki dukan ki ba don ha Iewduh bad Khyndailad kan ym pat shah ban plie.
U la ong ruh ba naduh ka sngi nyngkong la shah ia ki paid bah kiba don ha ki thain nongkyndong ki ba hap ha ka green zone ha ki district bapher bapher ba kin plie noh ia ki dukan baroh katba ha Shillong ki dukan baroh kan ym pat shah ban plie lait noh tang ki dukan die tiar kali bad ki dukan khutia mutia.
Ki dukan die Jain pat kumno?