Shillong: Ha ka jingialang jong ki dkhot ka Khasi Jaintia Pig Butcher’s Association la shim ia ka rai ban pynkiew noh ia ka dor jong ka dohsniang ha ka jylla baroh kawei ka ban long na ka 380 tyngka shi kilo sha ka 420 tyngka shi kilo.
Haba ia kren bad ki lad pathai khubor, na ka liang u General Scretary ka KJPBA, u la iathuh ba ha ka jingialang kaba la long mynta ka sngi, la shim ia ka rai ban pynkiew ia ka dor jong ka sohsniang na ka 380 tyngka sha ka 480 tyngka shikilo. Halor kane ka rai ban pynkiew noh ia ka dor jong ka dohsniang ha ka jylla, la shim namar ba na ka liang ki nongthied ia u sniang ki la shem jingeh ban pynmih ia ka dor ban wan rah ia ki sniang sha ka jylla na ka daw ka jingkiew eh ka dor petrol.
“Ngi la iai shah la lai snem mynta ngi khlem pynkiew shuh ia ka dor naduh u snem 2019, hynrei mynta na ka daw ka jingkiew ka bai petrol bad kumjuh ka jinghap ban siew ia ki khajna bad ka bai siew ia ki pulit shwa ban rung na Byrnihat sha ka jylla, ka la wan rah ia ka jingeh ban pynmih ia ka dor ba die ia ka dohsniang” u la ong.
U la bynrap shuh shuh “Kawei na ki jingeh ka long ruh namar ka jingbym ioh shuh ia ki sniang na Assam, kane ka long ba ia ki sniang na Assam la shalan beit sha Dimapur, Nagaland bad kane ka long namar ba ka dor ka kham heh ban ia ngi”. U bah Andy u la iathuh ruh ba ha kaba ia dei bad ki sniang ha ka jylla hi ka long kaba shem jingeh ban ioh namar ba duna ki nongri sniang ha ka jylla.
Balei hap siew ia ki pulit ruh seh ka bai khajna sniang,kumno kumta dang mynta nga tip pleng,balei phim report ha ka NPP,lyngba ka khajna sniang kan sa thied pat ia ki vote nangi