Nongpoh, 30 Iaiong: U Bah Bobby L. Nongbet, District Sports Officer ka Ri Bhoi District, u la pyntip paidbah ba ka lympung ialehkai sports ki khynnah skul ha Ri Bboi bad kaba la tip kum ka District Level Inter School Athletic Meet 2024, kaba dei ban sdang ha ka 1 tarik Jymmang haduh 3 tarik ha madan NSCA Pahamsyiem, la hap ban pynsangeh noh shwa, kata ka dei hadien ba ha kine ki sngi ha Ri Bhoi, ka jingshit kyrang ka sngi, ka la long shaba palat.
U la ong ruh ba katei ka rai pynsangeh shuwa ia katei ka lympung ialehkai sports ki khynnah, ka dei kadei hadien ka jingbthah jong u DC ka Ri-Bhoi ba hap ban pynsangeh shuwa namar ka jingshit kyr-ang palat jong ka suin bneng bad kaba lah ban pynmynsaw bad iohpang ia ki khynnah ialehkai kiba shim bynta ha katei ka lympung.
Kumta naka liang ka ophis kala pyntip sha baroh ki skul ba kin long kiba pynkhreh lypa bad lehse ha ki khyndiat taiew ban wan yn lah ban sdang biang ïa katei ka lympung ïa kaba ka ophis kan sa pynbna bad pyntip biang sha ki skul.
Phi don ban ong eiei?