BARABANKI: Ki dang don shibun ki briew, kiba artatien ia kane ka jing leh injek corona bad katei ka la jia ruh ha ka shnong Sirauhha jong ka Barabanki, ha Uttar Pradesh.
La iathuh ba haba ki briew jong ka tnat ka koit ka khiah, ki la leit sha katei ka shnong, ban ai injekshon ia kitei ki nongshong shnong, hynrei, ki don shi kynhun kiba tieng bad ki la kynthih ialade sha ka Wah Saryu.
U Rajiv Kumar Shukla, Sub-Divisional Magistrate ka Ramnagar, u iathuh ba katei ka jingjia, ka la jia ha ka sngi saitjain ba ladep.
La iathuh ba la pyn sngewthuh ia ki nongshong shnong, ba kin shah injek bad hadien ka jing batai kaba sani bha, ki don 18ngut kiba la mynjur ban shah injek. Ki nongshong shnong, ki iathuh ba kitei kiba kynthih shapoh um, ki sngewthuh bakla, ha kaba la don ba pynshoi ia ki, da kaba ki ong, ba katei kam dei ka injek iada corona, hynrei, ka dei ka injekshon, kaba long bih shi katdei.
Phi don ban ong eiei?