Shillong:U Myntri rangbah ka jylla u Conrad K Sangma, u la iathuh ba na ka liang ka sorkar jylla, ka la pan ia ka pisa ka ba long T.300 klur na ka sorkar pdeng kum ka jing iarap na ka bynta ka jingshah pynjurlor ha ka bor mariang.
Mynhynnin ka sngi u Blei, u Myntri rang bah u la pynlong ia ka jingialang ha ophis u Deputy Commissioner ha Khlieh riat ha ryngkat ki ophisar ka district, ban ia kren halor ka jinglong jingman ha ka district na ka jingwan lynshop u slap.
U Myntri rangbah un sa hiar sha Mawsynram ha ka sngi nyngkong bad ha ka sngi baar, un leit sha Garo Hills,ban jurip hi da la ki jong ki khmat ia ka jinglong jingman kine ki jaka.
U Myntri rangbah u la iathuh “Na ka liang ka Sorkar Jylla ka la dep ban thoh sha ka Ministry of Home Affairs,jong ka sorkar Pdeng ban pan ka jingiarap ia ka pisa kaba long T300 klur”.
“Ka jinghap jong u slap mynta u snem ka la long ka ba jur shaba palat namar ba don na ki jaka ki ba la pynkhein ia ka jingkhein kaba la lum myn 40 snem mynshwa, ka long kaba khlem khmied lynti”la ong u Myntri rangbah.
“Ki don na ki surok bah bad ki surok rit ha ki thain nongkyndong ki la julor lut, ki jingkieng ki la shah pynpra lut na ka jinghap u slap”u la bynrap.
U myntri rangbah u la ong “Ka la don ka jingshah ktah ka ba jur na ka jinghap u slap ha ka jylla, ha kaba ban pynbha ia kine ka jinglut ruh kan long ka ba bun”, u la bynnrap ruh halor kine ki jingshah pynjulor ha ka jylla u la dep ban pyntip sha u Union Home Minister ka sorkar pdeng u Amit Shah.
“Ngin shim ia ki sien jam ban pynbah ia ki jingpynjulor hynrei kane kan dang shim por bad na ka laing ka sorkar pdeng kum ka dak ka jingiarap kan sa phah ruh ia ki briew jong ka ba kin wan ban iarap ha ka jylla “u la ong.
Da dei bjp state ruling ym donkam pan LA tyrwa hi na central kumba long ka Assam