Shillong: U Deputy Commissioner ka East Jaintia Hills District u la ong ba katei ka ophis ka la ioh jingtip ba ki don ki trai pung dohkha kiba ju pynlong ia ka jingiakob khwai dohkha hapoh katei ka District lyngba ka jingbit kaba ki la ioh na ka ophis jong ka Jaintia hills Autonomous District Council ( JHADC) khlem da ioh jingbit satia na ka ophis u DC. U DC u la ong ba katei ka jingiakob khwai ka la pynwit ia ka iaid ka ieng ki paidbah namarba ka wanrah ka jingdheng kali bad ka lah ruh ban mih kano kano ka jingkulmar. Kumta ka ophis u DC ka la pynmih ia ka hukum ba kino kino kiba pynlong ia kaba kum katei ka jingiakob khwai dohkha ki hap ban ioh jingbit shuwa na ka ophis u DC lym kumta kan dei ka jingpynkheiñ aiñ.