Naba pasiaw u mynsiem, poi u kyrtong ialeh MLA, na Mairang sha Mawlai

Shillong:Uwei u rangbah ba la tip kyrteng kum u bah Tarcisious Mawlot, ba ladon 55 snem ka karta, u ba la iakhun teng ruh ia ka elekshon na Mairang konstitwensi, ha ki snem ba ladep, na ka parti KHNAM, katba mynta ka kynti pat u la rai pat ban kynriah noh ia ka konstitwensi, ha kaba u la rai ban ia khun noh ia ka elek shon ka ban wan na Mawlai konstitwen si, ha kaba u la ong ba ka jingiakhun jong u na Mawlai konstitwen si ka long hadien ba ka jingduwai ka jong u ka la don ka jing pasiaw ba u hap ban ia khun noh na Mawlai konstitwensi ha ka elekshon ka ban wan.

Haba iathuh shuh une u rangbah u la ban ba ha ka jing shisha u don ki jingthmu,ban ia khun na ki ar-tylli ki konstitwensi, kata ka Nongstoin konstitwensi bad ka Mairang konstitwensi, kaba u hap ban jied kawei na kine, hynrei hadien jong ka jingduwai ka jong u, kine ki ar-tylli, ki konstitwensi ki khlem dei satia ki konstitwensi, kiba ka jing pasiaw ka phah ba un leit iakhun ia ka elekshon, hynrei ka jingduwai ka jong u ka pasiaw ia u ban leit ia khun noh na Mawlai konstitwensi, kaba u ne u rangbah u khlem shong khlem sah, wat la u don ki khun ki kti, kiba sah ha Mawlai konstitwensi, ha kaba u la iathuh ruh ba u don tang kum ba 50 ngut ki briew kiba u ithuh ha katei ka konstitwensi.

U bah Tarcius,u la iathuh ba un ia khun ruh kum u kyrtong shimet, namar ba ki nongrim kiba une u rangbah u ïeng ki ia pher bha na kiwei pat ki nongrim jong kiwei ki parti .
U ne u rangbah u ngeit ruh ba ka lynti iaid jong u ha kane ka elekshon ka ban wan ka long beit lyngba ka jing pasiaw jong u mynsiem, ba ki nongrim ba u la dep ban pynkhreh bha, ki la shah kyntait noh naduh ba sdang haduh kaba kut. Kumta ka jing pasiaw ka wan ha u ba um dei ban pyn bor iano iano ba kin jied ia u wat ia ki khun lajong ruh, hynrei tang kawei ba u ne u rangbah u la iathuh ba kaba nyngkong eh ka long ban phai sha u Blei. U ne u rangbah u la iathuh ruh ba ka jing ong ba ka politik kam dei ban iaid lang bad ka niam ka dei ka jing pasiaw jong u bymman, namar ki tieng ba u Blei un rung ha ka saiñhima sima, la ong u bah mawlot.

Haba iadei pat bad ka jing treikam bor bah ka pisa ha ka por elekshon, une u rangbah u la iathuh ba donkam bun ka pisa ban ia khun ia ka elekshon ka long palat 5 klur tyngka ka pisa, hynrei u ne u rangbah u la ong ba ka jing pasiaw ha u kam kwah ia u ba u pynlut pisa ha kane ka elekshon ka ban wan. Ka jing pyndonkam ia ka pisa ha ka por elekshon ka pynlong ia ki paidbah ba kin shah die, shah thied beit ha man ki san snem,kaba dei ruh ka jingma ia ka ri bad jaitbynriew.

Ha kawei pat ka liang u tei u rangbah u la ong ba ha ka jing-iohi ka jong u, ka long ba kita ki briew kiba ki paidbah jong ka jylla ki la phah ban leit thaw ia ki aiñ, ki la klet noh ia ka kam ram ba nyngkong ka jong ki, kum kita ki nongthawaiñ, hynrei ki thaw pynban ia kata ka development, kaba tang ka dewbilat ruh kam bat shuh ia u nar-rot, kaba la iohi ia ka jing khyllem jong ki jingtrei, pra ki surok bad kiwei kiwei.
Une u rangbah u la ong ruh ba ki paidbah ki dei ban sngewthuh ba don kam ban duwai na bynta ia lade ha kane ka elekshon ban wan, namar ki jied ia lade ym iano iano.

“Suk kaba shaniah ha u blei ban ia ka ba shaniah ha u briew” ha kaba u la kyntu ruh, ba kam don satia kano kano kaba pher lada phi jied iano iano ruh, lada u Blei u la kdew ban jied, namar ba u thrang ba ha jaka jong ka no smoking, ka dei ruh ban don kano ruh ka no corruption, la ong u rangbah Tracious Mawlot.