Naba lip lait palat, kwah bor ding noh na Bangladesh sha khappud

Shillong:Ki paidbah jong ka thain khappud Indo-Bangladesh ki la ngiah bad thait ia ka jinglip ding khah khah bad kumta ki thmu ban leit pan jingiarap noh na ka ri Bangladesh.Katkum ka jingiakren bad ki khynnah samla jong ka shnong Umkiang kaba hap hapoh East Jaintia Hills district, ki la ong ba kila ia kren bad ki nongshong shnong baroh kawei bad ki la ia rai ban pan da ka jing mynjur na ka sorkar ban leit pan bording na ka ri Bangladesh.Ki la iathuh ruh ba ka jingioh bording kam ju hok bad tang kumba 5kynta ha ka shisngi ki ioh bad ka bai lait pat ka palat beit iaka 650 ha ka shi bnai.Ki la ong ruh lada ka sorkar kam lah ban pynbiang ia jingdonkam jongki kan long ei ka jingmyntoi ia katei ka ri ba marjan bad ki la pynkut ba ym dei tang ka shnong jongki ka ba mad ia katei ka jingeh, hynrei ki buntylli ki shnong kiba kynthup ia ka Kuliang, Pyrtakuna and Ratacherra. Na ka liang jong ki bor pyniaid jong ka East Jaintia Hills District pat kila ong ba kim lah ban pyrshah ia ka, lada jia ba ki paidbah ki ai da ka jingujor.