Naba kyndit baiap u khun, iap ka kmie hadien 8kynta

Shillong,16 Nailur:
Kawei ka longkmie kaba la tip kyrteng kum ka Silver Talang, 68 snem karta na ka shnong Demthring, West Jaintia Hills ka la iap namar ka jingkyndeh mynsiem tang mar ia tip ba u khun jong ka u la iap mynsaw. Katei ka longkmie ka la khlad noh hadien 8 kynta ba ka la ioh jingtip ba u khun jong ka u la iap ha shen namar ka jingshah ban maw ha ka par maw ba u trei. Ka kong Silver ka la khlad ha ka por 8 baje mynmiet.
U khun jong katei ka longkmie u dei uba la tip kyrteng kum u ma Kamwamut Talang, 48 Snem u la khlad ha shen ha kawei ka parmaw kaba don harud ka lynti Jowai Amlarem kaba ki khot ka Wahlakaraw ka ba don markhap bad ka shnong Demthring.
Kane ka jia ha ka por kumba 12 baje shiteng sngi eiei katba u ne u rangbah u dang tihmaw ha kaba u maw ba u tih u la ban ban ia u na ka bynta ka khlieh bad u la iap hajuh, u ma Kawamut u la ieh shadien ia ka lok jong u ka kong Mashin Ryngkhlem bad ia sawngut ki khun kynthei u wei u khun shynrang bad ki khun ksiew.