Naba kwah pyni ha social media, kjup ia ka khlieh seiniong bad iap syndon u samla 20 snem

Ka jingkwah burom palat pud bad ka jingkwah shna pisa, ha ki social media, ka pynpoi sha ka jingshah lehrain lane kaba ialam shaduh ka jingiap ei khamakha ia u briew bad katei ka leit jia ia uwei u samla, uba dang 20 snem ka rta, uba shong ba sah ha ka shnong Desayipet kaba ha Telangana bad katei ka jingjia, ka jia ha ka sngi thohdieng ba ladep.

U Shiva Raju, u kam ialade, ba u dei uwei na ki stad, ha kaba pynshad lane ialehkai bad ki bsein bad u kam ruh, ba u ioh ia katei ka jingstad na ka jinghikai jong u kpa jongu bad ha ka sngi palei, ula ioh kem ia uwei u bsein iong, da ka jingthmu ban ring video bad ban pynmih ha social media bad ula leh ia kawei ka kam, kaba pynduh syndon ia ka jingim jongu bad kata ka long ba u leit kjup ia ka khlieh jongu bsein bad ka dei ha katei ka por, ba u bsein iong u puh ia U Raju.

U Raju, ula leit phai sha la iing bad ula kem pang mar ia poi ha iing, ha kaba la leit rah noh ia u mar mar sha hospital, hynrei, namar ba ka bih jong u seiniong, ka la jubor palat, kumta ula iap noh ha ka jingshah sumar ha hospital.