Nongpoh: Ka Kong Ampareen Lyngdoh, Kyrtong MP na ka Party NPP, mynhynnin ka sngi ka la sdang ia ka jingleit ialap Ilekshon jong ka sha ki shnong kiba hap ha Mawhati Constituency, da kaba pynlong ia ka jingialang kaba nyngkong eh ha Parish Hall kaba don ha skul St. Francis SS ha shnong Umsiang.
Ha katei ka sngi ba ka Kong Ampareen Lyngdoh, ka la leit ban pynlong jingialam ha Umsiang, la sakhi da ka jingdon kiwei de ki heh nongialam ka, kiba kynthup ia u Bah Clement Mawlong, President ka NPP ha Ri Bhoi, u Bah R.M Mukhim, Working President ka NPP ha Ri Bhoi, u Bah Shemphang Lyngdoh, President ka NPP Mawhati Block lem bad shibun kiwei pat.
Lyngba jong katei ka sngi, ba ka Kong Ampareen Lyngdoh, ka la hiar ban leit ialap Ilekshon sha katei ka thain, ki la don ki riew rangbah na katei ka thain, kiba la pynsngew sha ka Kong Ampareen Lyngdoh halor ka jingeh ba ki briew kiba shong ba sah ha katei ka thain ki ju iakynduh na ka por sha ka por, ha kaba ki la pynpaw ba lada kan jop, ba ka dei ban phai khmat sha katei ka thain, kaba dei kawei na ki thain ba ki MP ha ki por ba la dep, kim ju phaikhmat sha katei ka thain.
Ka Kong Ampareen Lyngdoh, haba ka ai jingkren sha ki paidbah ha katei ka sngi, ka la ai ia kata ka jingkular, ba lada ki paidbah kin ai shisha ia kata ka jingkyrshan bad lada kan jop, kan sa phaikhmat kyrpang ia katei ka thain bad ha kajuh ruh ka por, ka la pynpaw ba kan trei shitom ba ki shnong kiba don ha katei ka thain ba khappud bad ka Assam, ba ki dei ban iaryngkat kyrdan bad ki shnong kiba hap ha Assam, kiba la kham kiew ha ki liang baroh bad khamtam eh ha ka roi ka par.
Ka Kong Ampareen Lyngdoh, nalor ba ka la ioh ban pynshai paidbah ia ki jingthmu ba ka don, kata ban ai ia kata ka jingshakri kaba janai sha ki paidbah Nongshong shnong, ka la kyntu ruh ia ki paidbah ba kin ai ia kata ka jingkyrshan kaba tyngeh ia ka kum ka Kyrtong ka NPP bad ynda ma ka kan long kum ka MP, ki paidbah kin sa iohi ia kita ki jingkylla ha ki shnong ki thaw bad khamtam eh ha katei ka thain, kaba dei kawei na ki shnong khappud hapdeng ka jylla Meghalaya bad Assam.
wat khleh niam bad ka politics..
paidbah husiar na kum kine ki nyrsiang..kynmaw kane ka briew ka dang don case of corruption bad ka long ka jinglehrain iaka jaidbynriew ba kaba kum kine kin reoresent iaka jaidbynriew jong ngi..Kat kum ka hukum ECI ki candidate ba don cases ki dei ban pynmih kyrteng jongki 3 sien haka newspaper bad TV.. Ka party ruh ka dei ban leh ia kata.Haduh mynta ngim pat iohi ia kata.
politicians must have a clean record to represent and this candidate does not earn my one Vote.