Na u jumai bah, ki iap haduh 1hajar ngut ha Afghanistan

U Jumai uba jubor bha, uba la khie ha ki bynta jong ka mihngi jong ka Afghanistan, mynta ka step jong ka Sngi Balang, ka la pyniap ia shi hajar ngut ki briew bad pynmynsaw ia 1,500ngut kiwei pat, katba kum ka khubor sorkar jong katei ka Ri. La iathuh ba ka jingiap briew, ka lah ban nang kiew shuh shuh.

La iathuh ba u jumai uba 6.1 temblor, uba khie ha khappud jong ka Pakistan, ula ktah jur ia ki iing ki sem, kiba la shu shna malu mala. Utei u jumai, u khynra, ha ka jingjylliew kaba haduh 10 Kilometre shapoh ramew bad ka dei na katei ka daw, ba ka jingiap briew, ka jur bha.