Na ki sainar shiah, kiew ki khar Bangla sha India

Shillong:Ka khubor ba la ïoh na ki pulit la ïathuh ba u company commander jong ki shipai ka 11 Bn BSF Sonatola BOP, East Khasi Hills District (EKH) u la phah ka jingujor ba ha ka 29 tarik u Naitung ha ka por kumba 9.30 baje mynstep.

Ki shipai BSF ki la ïoh bat arngut ki nong Bangladesh kiba kyrteng U Md Sojib Ahmed ba 18 snem bad u Md Ariful Islam ba 18 snem ka rta katba ki dang ïaid lyngba na Bangladesh sha India da kaba kiew ïa ka jingker sainar ne ka Indo-Bangladesh Border Fencing ha ka Gate No. 4, Sonatola (EKH) bad na ki la lap kawei ka backpack,ka pisa India kumba T. 13,950/-, artylli ki wallet, kawei ka mobile phone, 4 tylli ki dur passport, artylli ki kot sada ba thoh ïa ki nombar phone bad ki jaiñ phong.