Na ki 1,000 ngut tam, jied PMEGP tang 165 ngut

Shillong, 21 Nailar:
Ka la ju don ka jingiakren sharum sha neng bakiba ioh ne shah jied ban ioh skhim PME GP ki dei tang kito kiba don kajngiadei bad ka sain pyrthei bad bun ki samla kiba kwah shisha kim iohsatia namar ba kim don ka jingiadei bad ka sain pyrthei.
Ha ka jingwad jing tip lyngba ka ain wad jingtip paidbah, la pyni ba ka jingiakhun banioh skhim sorkar ka long thik kumba iakhun ban ioh kam sorkar bad kaneka la jia ha kane ka skhim PMEGP ha kaba napdeng ki 1035 ngut ki briew,ki aplai ia ka skhim Prime Minister Employment Generation Programme (PMEGP) 2015, tang 165 ngut ki la shah jied ban ioh ia kane ka skhim. Katkum ka jubab ba la ioh na ka ophis ka DCIC, Shillong la pyni ba kajingjied ia ki briew ban ioh ia kane ka skhim, la bishar bniah da kidkhot ka Task Force Committee bad kam don ka jingthung dkhot lyngba kasain pyrthei. Kane ka skhim ka sorkar pdeng ka la thmu ban ai jingiarap kyrpang iaki samla ba la nang la stad ki bym pat ioh kam sorkar ba kin seng iala ki kam ki jam katkum ka jingtbit jongki.
Katkum ka ain wad jingtip paidbah ba la ioh na ka ophis jong u GeneralManager District Commerce & industries Centre ka East Khasi Hills, lakdew ba ki briew kiba aplai ia kane ka skhim PMEGP baroh ki don 1035ngut. Ki kynthei kiba ioh ia kane ka skhim baroh ki don 57 ngut bad kishynrang ki don 108 ngut.  Na KVIC kiba aplai ki don 213 ngut, 39 ngutki shynrang kki ioh bad 24 ngut ki kynthei, na MKVIB kidon 426 ngut,37 ngut kki shynrang bad 13 ngut ki kynthei ki ioh  bad na DCIC ki don32 ngut baroh ki nong aplai, kiba ioh ki long 32 ngut ki shynrang bad57 ngut ki kynthei. La kdew ruh Ia ki nongaplai ia kane ka skhim PMEGP la jied da kaDistrict Task Force Committee ba la thung da u Lat ka Jylla. Ki dkhot jong ka komiti ki kynthup ia u Deputy Commissioner kum uChairman, U bank Manager, u dkhot na ka KVIC, NYKS, MKVIB, MSME-DI, ITI/ Polytenic bad u General Manager ki DIC.