Na ka T.20klur, yn leit iakren U CEM bad U CEM ha ka 26 Iaiong

Shillong:U Bah TW Chyne, Chief Executive Member jong ka Khasi Hills Autonomous District Council, u la iathuh ba ma u, lem bad ki Executive member jong u,ha ka 26 tarik mynta u bnai, kin sa leit ban ia kynduh ia u myntri rangbah ka jylla, u Conrad K Sangma ban pan ia ka jingpynshai na ka sorkar halor ka jingbym pat pyllait ia ka bhah jong ka KHADC kaba wan na ka 15th Finance Commission.

Haba iakren bad ki lad pathai khubor, na ka liang u bah Chyne, u iathuh ba ha ka jingialang ka Executive Commission kaba la long mynta ka sngi, la shim ia ka rai ban leit ia kynduh ia u myntri rangbah ka jylla u Conrad K Sangma ban ia kren halor ka T.20 klur kaba dei ka bhah jong ka Council, ia kaba ka sorkar kam pat pynlait haduh mynta. Ula iathuh ruh ba kum ka EC baroh kawei ka pynpaw ia ka jingsngewkhia halor ka jingleh jong ka sorkar kaba khlem pat pyllait ia katei ka pisa, kaba dei ka bhah jong ka KHADC kaba la mang lyngba ka “15 Finance Commission” jong ka sorkar pdeng. U Bah Chyne, ula ong ba lada ka jingiakren kam poi sha ka jing iasngewthuh ka EC kan sa shim ia ka rai da kumwei pat.

U bah Chyne u la iathuh ba ka sorkar pdeng lyngba ka “15 Finance Commission” jong ka sorkar pdeng ka la mang T.192 klur sha ka KHADC bad na kane ka la pyllait T.91 klur ha ka bhah kaba nyngkong bad ka sorkar jylla ka la pyllait ia ka bhah sha ka KHADC, hynrei kaba sah ba ka sorkar ka dang bat ka long T.20 klur na ka tei ka skhim.