Na ka shongshit iathoh, iap ei 13ngut, ba hap ha thliew um

Lucknow: Ka jingjia kaba sngewtriem, ka la jia hynnin ka sngi, ha kaba 13ngut ki kynthei briew ba kynthup ruh ia ki khynnah kynthei bad uwei u khyllung, ki la shu iap ei ha shen, haba ki leit hap ha kawei ka pung um ha ka jylla Uttar Pradesh.

Katei ka jingjia, ka dei ha ka shnong Nebua Naurangia, ha Kushinagar district jong ka Uttar Pradesh bad la iathuh ba katei ka jingjia, ka leit jia, katba kitei ki kynthei, ki dang ia leh kmen bad ia tamasa bha ban peit ia ka jing iathoh shong kurim ha katei ka shnong lane ka lehniam Haldi; hynrei sniewbok, ba ka nar, kaba tap, ia katei ka pung um, ka la lait kynsan bad kitei ki 13ngut, ki la hap shapoh thliew bad ki la iap noh ha shen. La iathuh ba ki don sa 15ngut kiba hap lang ha kajuh ka thliew, hynrei, la lah ban pyllait im, da ki para shnong, kiba iohi ia katei ka jingjia, lem bad ka jing iarap lang jong ki pulit.