Na ka RTI byrngem ia ka Longkmie

Shillong,9 Nohprah:
Kawei ka longkmie ka la shah byrngem byrsit ha u Rangbah shnong tang namarba ka leit wad jingtip lyngba ka RTI ha kaba ia dei bad ka skhim baduk ka IAY. Katei ka longkmie ka dei kaba la tip kyrteng kum ka kong A.Dkhar bad la ujor ha Ummulong Beat House ba ha ka 12 tarik u Rangbah shnong ka Khlieh Tyrshi u Kitbok Rymbai u la byrngem byrsit ia ka tang namarba ka la leit wad jingtitp lyngba ka RTI na Thadlaskein Block, ka la pynpaw ba u Rangbah Shnong u la byrngem ia ka lyngba ka phone kaba u pyndonkam da u nombar 9856158320 haka 27 u bnai ba la dep. Katei ka longkmie kaba don hapdeng ka jingtieng jingsmiej namar ka jingshah byrngem ha u Rangbah shnong ka la ujor sha ki pulit ba ki dei ban pynshitom ia u katkum ka ain.