Na ka lip ding khah khah bad kiew bai thang, khot hajir ka PUC

Shillong, 19 Naitung:
Ka Public Undertaking Committee (PUC) ka iing dorbar thawain ka jylla ka la khot hajir ia ki heh ka Meghalaya Energy Corporation Limited (MeECL) ha ka 24 tarik Naitung ba kin ai jingshai bad batai halor kano ka nongrim ba ka ding MeECL ka ju bun ka jinglip ia ka jingmeh ha ka thain nongkyndong.
Haba pyntip ia kane, u MLA ka Sohra u Bah TW Chyne uba long dkhot ha kane ka komiti, u la ong ba ka PUC ka la buh ia kane ka sngi ha kaba ki ophisar na ka MeECL kin hap ban wan ban ai ia ka jubab halor ka jingeh jong ki paidbah khamtam sha ki jaka nongkyndong.
U la ong ba ka PUC ka la dep ai por lai taiew  ia ka MeECL ba kan pyndep ia ka jingtohkit halor ka jingiadei bad ka jinglip ding khah khah ha ka MeECL haduh ba ka la thut ia ka jingtreikam jong kane ka karkhana.
Katkum ka jingong u dkhot ka PUC, ka MeECL kan ai ia ka kaiphod jong kane ka jingtohkit jongka halor kumno bad balei ka jinglip ding ka jia khah khah ha ka jylla khamtam sha ki jaka nongkyndong.
“Ngi la pan jingshai na ka MeECL balei ka bai thang ding ka kiew ka heh bha khamtam ha nongkyndong wat haba ka ding ka bun kaba lip ban ia kaba meh”, la ong u Bah Chyne.