Na ka leit khwai dohthli, ioh da ka synduk phylla ha wah

Shillong, 13 Nailur:
Namar ba ka dei ka sngi shuti , saw ngut ki khynnah rit na ka shnong Nongkseh Rim, Upper Shillong ki la leit pyn muja ialade sha wah ban leit khwai Dohthli. Ka dei ha ka por 8 baje baje eiei katba ki dang muja ka kloh dohthli , kitei ki 4 ngut ki khynnah ki la lap ia kawei ka synduh kaba la tap ha kawei ka krem kaba don harud wah. Tang mar ia lap ia katei ka synduk phylla mar mar kitei ki khynnah ki la lei tai jingtip sha ki bor shnong.
Haba ia kren bad u Rupang u Rangbah shnong ka Nongkseh Rim u bah E.L Thangkhiew u la ong ba hadien ba kitei ki khynnah ki la lap ha ka por 8 baje eiei mynstep, ki la pyntip sha ki bor shnong bad dei ha ka por 10:30 ne 11:00 baje mynstep ba ki bor shnong ki la hiar sha ka thie ka jaka kaba la tip kum ka Wah Umsohlang. Haba la poi ha katei ka jaka u la ong ba ki la lap ba katei ka synduk ka don hapoh ka krem kaba la tap da ka khyndew kumba 7 ne 8 inshi, katei ka synduk u la ong haba shu peit, i kumba ka dei kaba la rim bha la kumba shisnem eiei, ki la pyrshang ban plie ia katei ka synduk bad ki la lap ba la song ia ki tiar phylla hapoh plastic, kumta u la ong ba ki bor shnong kim kwah ban mushlia eiei bad mar mar ki la pyntip sha ki pulit.
Dei ha ka por 1 baje eiei u la ong ba ki pulit ki la poi ha katei ka jaka bad haba ki pulit ki la plied ia katei ka synduk. Hapoh katei ka synduk ki pulit ki la lap ba ka don kawei ka suloi lyngkot,85 tylli ki Dyanamite, kawei ka pla, uwei u bilor um, 7 tylli ki Cartridge, 90 tylli ki jingpynbthei ba lah ban pynbthei da ka bording,3 tylli ki khulom.
Ki pulit ki rejistar case ia katei ka jingjia hapoh ka Arm and Explosive Act ha Lumdiengjri P.S bad haduh mynta kim pat lah ban pynthikna ka dei ka tiar ka tar jongno, hynrei la kit noh ia kitei ki tiar na bynta ban leh ia ka Forensic. Katei ka jaka ba la lap ia kitei ki tiar ka hap hapoh Jhalupara P.S.